عــــــــــودة الملــــــــــــــــــــــــــــــــكـــ

عودة ملك ماهــي مثــل أي عـــوده
هـــذا حبيب الشعب لاقيــل محبوب
**
عبدالله العــادل فـعـــوله وعـــــوده
لاباس واللي صـار تكفيــرة اذنوب
**
الشــــوق له بارق وترعـد رعوده
حتى الرياض اشتاقت لسيّد اقلـوب
**
اقلـــــوب شعبك في غلاك امهدوده
ياتاجـها يادرعها صوب مع صوب
**
يخــونني التعبيــــــر وابني حدوده
في حبـك اللي فالسما دوم مشبوب
**
نسّـقت حرفي وانبرت لك وروده
تنثر من الاطياب مع كل مكتوب
**
متعب لبـو متعـب نــزف مايجـــوده
والعذر لو شعري قصر دون محبوب
**